Outback

hallo hallo zämä..

so jetzt sind mer entli au mal wider i dä zivilisation acho..=)han 5 1/2 täg im outback verbracht..aso mir sind am mäntig in alice springs acho..und was hät ois erwartet räge und ä sau chätli sägi oi..schrecklich gsi..ja naher sind mer mal mit em taxi richtig hostel gfahre..und ja s hostel isch definitv ned dä hammer gsi..in alice händ mär dän au ned wükki viel gmacht wills wükki nur grägnet hät und chalt gsi isch..d jenny und ich hend den fliessig charte gschribe..=)) inside mit rägejagge..=((aber mir händ trotzdem oise spass gha..

am zistig mittag sind mer dän abholt worde und oises abendtüür hät chöne starte..aja und pisst häts natürli immerno..nach einige stunde autofahre sind mer den bi oisere erste "unterkunft" acho..jedoch isch di unterwassser gstande und oise tour guide hät langsam nüme gwüsst was mache will au no oisi swags nass gsi sind..=)ja mir hend den chöne ines anders hüttli go schlafe..aber ja warm isch äs au deht ned gsi..will es isch überall offe gsi..abgseh dävo dasi sau chalt gha han i dä nacht hani au no so en bänker hinter mir gha wo gschnarckt het wie nüt..ich säg oi äs isch ä katastrophe nacht gsi..aber egal..=))

am morge sind mer dän zum kings cannyon gfahre wo mer no ä wanderig gmacht händ und eifach suesch d landschaft gnosse..

dunnstig sind mer zum yulara (kata tjuta) au deht wider ä wanderig und suesch hät er ois no verzellt und alles..am abig händ mär dän s erst mal dä uluru (ayers rock)gseh..und händ däzu anne au no es super sunneuntergang gha..=))

gschlafe händ mär natürli di ganz zit i oisne swags wos sau chalt gsi isch..mir händ i dä nacht um di drüü grad gha..aso ich säg oi ich han händsche und chappe agha und no gfroorrre..=((

fritig isch am 5ii tagwach gsi will mer d wanderig um dä uluru gmacht händ..=)leider händ mär nöd en mega schöne sunneuufgang gha..aber immerhin hend mer ois bewegt und somit dän warm becho..=))hehe..

ja nach dä wanderig isch äs dän für 7 1/2h is auto gange wo mer richtig coober pedy gfahre sind..deht händ mär unterground gschlafe..und es isch richtig schön warm gsi..=))und ä schön warmi dueschi händ mär au gaht no gha..=))

am samstig hend mer den coober pedy agluegt und suesch no ä führig gha im opal mine museum..

und am nami schowider ab is auto und as nexte ort..wo mer i kabine gschlafe hend wo aber au ä sau chälti gsi isch..=))

und am sunntig am abig sind mer den in adelaide acho..wo mer au mal wider oisi mails und alles checket händ..aso eich händ mer zerst mal gwäsche..=))dringenst nötig gsi..=)

aber s outback isch kuul gsi und äs wird ois sicher immer i guetä erinnerige blibe..

aja und no by the way mir hend än hammer sternehimmel gha..=))

ja und jetzt sind mer bis am mittwuch morge in adelaide..naher gahts mit em auto richtig melbourne, wo mer no paar täg sind und naher nomal ab in greyhound für öbe 14h und mir sind in sydney woni mini letstä täg no verbring..

ich wünsch oi ganz ä schöni wuchä und vorallem gnüssed das hammer wätter..=))

ganz liebi grüssli und bis bald..anita

aja fotis chömed später..sorry..aber das internet da funktioniert definitv ned..mega müehsam mer gheit immer wider usse..sorry