Sunshine coast

on sunday we're on the sunshine coast..it took 2 hours with the train.

it's a really nice place..the weather was quite good a little bit winding..it's warmer in the ocean..=))

here some impressions from the beach..

cheers from down under anita

Homestayfamily John and Mary Crombie

Das wäred no paar föteli vo minere homestayfamily..sie sind mega kuuli..
und fühl mich voll wohl da..

My first really bread here in brisbane on saturday morning..it was fabolous..=))

my lovely homestaymother mary..she's from the fiji island..as well my lovely homestayfather john..
mary together with sophia..(enkeltocher) she's so cute..
cute sophia likes sushi..

Dihei für di nächste drüü Wuchä..

no paar föteli vo mim dihei für di nächste drüü wuchä..

vo dä familie chömed dän no,hani bis jetzt no gar kei gmacht..

grüssli anita

miiss zimmer für di drüü wuchä..
d strass woni uf dä bus gang..=)))
zimmer..




dä igang zu mim zimmer..

Moreton Island

hallli hallloo..

Weekend 22.05.2010 - 23.05.2010 hani in moreton island verbracht..moreton island isch ä sandinsle..sie isch 30km lang und 7km breit..vo brisbane us häsch öbe 1 1/2h mit dä fähre zum deht ane cho..samstig händ mär mega schöns wätter gha tootal blaue himmel..zerst sind mär dän go schnorchle um es wrack ume was aber gar nöd soo spektakulär gsi isch..mer hät gar nöd wükki klar gseh und d fisch sind alli di gliche gsi..han viellicht zwei spezielli gseh..=))aber egal..naher händ mär dän lunch gha und am nami sind mär go sandboarding mache..das hingege isch mega lustig gsi..=))

nach däm ganze sind mär zu oisere unterkunft gfahre händ deht no dä super sunneufgang agluegt und dän z nacht gässe..gschlafe händ mär i zält..hät jede äs eignis für sich gha will mir nume 5 lüüt gsi sind..=))

sunntig morge sind mär zerst so uf en sandberg dä höchsti sandberg, das däf mär natürli nöd vergässe säge (280m)..=))boah..=))naher isch äs witer gange zum lüüchtturm..dä erst bauti lüchtturm in queensland..und deht hani dän no mini erste delphine live da im meer gseh..=)))ganz viel sogar..

z mittag gässe und dän sind di wo händ wellä go surfe..ich aber dasmal ned..=))isch aber nöd lang gange und di sind wider zrug cho..und zwar häts än hei im meer gha wo knapp en meter a dä eintä vo oisre gruppe verbi gschwumme isch..=))somit händ mär gaht alli müesse us em meer gah..=))

so sind mär halt wider zrug gang..und händ suesch no so sache agluegt und badet..

ja das wäri mis weekend gsi..

ich hoffe ihr gnüssed oies lange weekend und ich wünsch allne no ganz schöni pfingste..

zelt..jedä sies eigne..s vierte vo rechts hani gha..di gräser vo däre pflanze wachset pro jahr 1 cm..
wäg zum sandberg..



lüüüchturm moreton island..
sunset..






sandboarding isch aso gar ned mal so eifach gsi..=))ich has ned wükki chöne..bin meh umgheit..
jupppi..da isch aber super gsi..=))

und das isch d bahn gsi wo mär abegfahre sind..en skilift..und das würdi wie nix laufe..=))

s büssli..
adrian, daniel, guide (jesse) jedes zweite wort vo ihm isch fuck gsi.. und ich
blick vo dä ferry uf moreton island..

traumhafts wätter..blaue himmel..=))
hafe..

So nomal mis noie und hoffentli letstä dihei da in Brissi

Hoorrroooor mit däne homestayfamily für mich..

Han letst wuche vo minere gastfamilie erfahre dasi ich gah muen.."they kicked me off"und zwar uss em grund will mim gastvater sini elterä vo england für en monet zu ine chömed..di nachricht hät mir natürli rächt z dänke gäh..und brutal agschisse..will ja has super gah deht..sind mega lieb gsi..aber ja äs isch mir ja nüt anders übrigblibe..dä ganz wächsle isch dän katastrophal verlofe will dä vo minere schuel und mini gastmum händ sich missverstande und äs isch eifach nüt gmacht worde bis mich dän mini gastmum di wuche am mäntig mal gfrägt han wäni zügle und ich gseit han kei ahnig will dä vo dä schuel nie mit mir gred hät..und dän isch s theater loos gange sie händ inerhalb vomne tag müesse ä gastfamilie für mich find..das hät är dän au gmacht..zum schluss hets den no gheisse mini gastfamilie muen mir hälfe zügle..hani dänkt a oke guet wenigstens öbis..aber au däm isch dän zerst nöd so gsi..di händ mir hüt am z nacht stink fräch gseit ich müssi s taxi neh und sie zahlet mir d helfi wäni wot..dän hani usnahmswis mal gseit wasi vo däm halt..han ihre dän gseit das äs vo dä schuel aber ganz anderst tönt hät und sie mich as noie ort bringed..di het dän aber so doof da dasi nach em z nacht gaht i mis zimmer gange bin..biz später isch sie dän cho und hät gfundä ich müessi jetzt gaht gah min homestayfather bringt mich no..

guet das hani gmacht und mir sind gange..

am noie ort acho häts mär natürli zerst mal graust uf was ich mich da iilah..und han rächt angst gha..mit träne i dä auge bini dän da acho..und äs isch ä mega netti frau äntgäge cho..wo mich uu herzlich empfange hät..sie hät mega fescht mit mir gred und mich tröstet..

ich würd jetzt so nach dä erstä paar stund mal vo mega glück redä dasi doch no da anecho bin..will es isch ä mega netts ehepäärli wo ä tochter hät aber di läbt mit em maa und emne chind in england.

jetzt isch äs dän scho fast chli schad dasi nur no mini letstä 4 wuche da verbringe däf..=))

bin froh doch mal no glück chöne z ha in brisbane..aso hoffs mal..=))

ich wünsch oi ganz ä gueti zit und hoff das bi oi bald mal bessers wätter chunt..

am weekend gangi uf moreton island go schnorchle und go sandboarding mache..=))

liebi grüssli und ganz schöni pfingste..anita

Langports Pub Crawl, Rugby Match und Rainforest

Halli Hallo

Wider isch es weekend umegange in brisbane..was ned gaht bsunders spektakulär gsi isch..

aso am fritig abig hend mir vo de schuel us so en pub crawl gha..und zwar agfange hät das ganze i de schuel am 5ii..zerst händ mär pizza gässe..(ned bsunders fein gsi..)naher häts no libli gäh und oise pass..und zämä sind mer is erste pub gange..so isch äs dän dä ganz abig wider gange mir sind insgesamt i vier verschiedänä pub gsi und händ i jedem ein gratis drink gha..

samstig bini no mini letste gschänkli go ichaufe und am abig anen rugby match..isch no kuul gsi zum so was mal z gseh..obwohl muen ehrli säge isch en mega chranke sport..und vorallem träged di ja ned mal irgenwelchi schütz oder so..di einte händ en helm agha..aber suesch gar nix..und vo dä regle hani ned wükki was verstande..aber ja jetzt hani das au gseh..und s station isch natürli au mega gross gsi..hät 50'000 plätz gha..aber isch ned volle gsi..

sunntig bini inen rainforest..wo aber für schwizzer ned bsunders speziell gsi isch..aso ich han mär unter rainforest(regewald) au no chli was anders vorgstellt..aber isch glich oke gsi zum s inere vo brisbane au mal no gseh..sind den ufme "berg" gsi wo dä mit vollem stolz verzellt het das segi eine vo dä höchste ussichts pünkt da i dä umgebig..nämli 820m..ja mir händ dän zerst mal chli gschmunzlät und gfundä ähm gang mal i d schwizz..=))

ja und jetzt bini wider i dä schuel han no 4 wuche schuel und naher dän no prüfig..

di wuche erwartet mi no min letstä mock test (isch eifach so ä probeprüfig) =((..

ich hoffe bi oi i de schwizz isch alles klaro..und es gaht oi guet..

ganz liebi grüssli us down under anita

rainforestdi super ussicht vom 820m berg..=))hehe









papi das sind riesigi farmblätter gsi..=))

raube..

schmetterling..=)

das isch min fund gsi..han 5 dollar gfunde..=))








Rugby Match Reds Brisbane against Highlanders New Zealand




Pub Crawl